Milli Mətbuat Günü Bərdə rayonunda təntənə ilə qeyd edildi

                  İyulun 22-də Bərdə rayon İcra Hakimiyyətində  Milli Mətbuat Günü münasibətilə tədbir keçirilmişdir.  
                  Əvvəlcə tədbir iştirakçıları    hər zaman jurnalistlərin dostu olmuş ulu öndər Heydər Əliyevin  abidəsi önünə gül dəstələri düzmüş,  dahi şəxsiyyətin adını daşıyan Mərkəzi gəzərək  onunla bağlı eksponatlarla tanış olmuş, xatirəsinə öz dərin ehtiramlarını bildirmişlər.
                    Rayon İcra Hakimiyyətinin Başçısı Vidadi İsayev jurnalistləri peşə bayramları münasibətilə
təbrik edərək Milli mətbuatın xalqın tərəqqisində, dövlətin inlişafındakı rolundan və əhəmiyyətindən danışmışdır. Həmçinin  mətbuatın zəngin və şərəfli tarixindən, böyük ziyalı H.B.Zərdabi ənənələrindən, ölkəmizdə  mətbuat, söz, pluralizm azadlığından, demoktatiyanın əsas qolu olan KİV-in inkişafına əsası ümummilli lider Heydər Əliyev tərəfindən qoyulan və bugün ölkə Prezidenti cənab İlham Əliyev tərəfindən dövlət səviyyəsində göstərilən qayğıdan söhbət açdı. 
                     Tədbirdə “Açıq söz” qəzetinin xüsusi müxbiri Səttar Pənahlı, APA-nın müxbiri Teymur Quliyev, ”ATV”-nin bölgə müxbiri Hafiz Abbasov, “EL-tv”nin müxbiri Daşqın Abdullayev, Az.TV-nin bölgə müxbiri Allahverdi Əsədov, “Bərdə” rayon qəzetinin  əməkdaşları Salman İsmayılov, Şükufə Əliyeva, Yaqub Əliyev   çıxış edərək Respublika Prezidenti cənab  İlham Əliyevin mətbuatın tərəqqisini daim diqqətdə saxladığından, jurnalistlərin problemlərinin həlli istiqamətində mühüm addımlar atıldığından  minnətdarlıqla danışmışlar.
                     Tədbirdə “Bərdə” rayon qəzetinin redaktoru Elbrus Məmmədova təzəcə layiq görüldüyü “Qızıl qələm” mükafatı təqdim edildi. 
                      Sonda Milli Mətbuat Günü münasibətilə rayon İcra Hakimiyyəti başçısı tərəfindən  KİV nümayəndələrinə  qiymətli hədiyyələr təqdim edildi.