Dekabrın 19-da Bərdə rayonunda ordu hissələrinin və Bərdə rayon Gənclər və İdman idarəsinin birgə təşkilatçılığı ilə “Gənclər gələcəyimizdir” hərbi vətənpərvərlik mövzusunda təntəli tədbirin keçirilməsinə start verilib.

2 gün  davam  edəcək  tədbirin  birinci  günündə   hərbi  xidmətdə  fərqlənən  əsgər  heyəti  və  Bərdə, Ağdam, Tərtər, Goranboy  rayonlarının  “Gənc  Şahinlər”  komandalarının  üzvləri  ilə  görüş  təşkil edilib. Bərdə  rayon  İcra  Hakimiyyətinin  başçısı  Vidadi  İsayev  nümunəvi  xidmətləri  ilə  fərqlənən  hərbi  qulluqçuları  və  Bərdə, Ağdam, Tərtər, Goranboy  rayon  “Gənc Şahinlər”  kokmandalarının  üzvləri  ilə  görüş  keçirib  və  tədbirin  açılışını  elan  etdikdən  sonra  onlara  uğurlar  arzulayıb.
Tədbir iştirakçıları  xalqımızın  ümumilli lideri  Heydər  Əliyevin  abidəsi  önünə  əkil qoyulduqdan  sonra, Heydər  Əliyev  mərkəzini  ziyarət  ediblər. Nümunəvi  xidmətləri  ilə  fərqlənən  hərbi  qulluqçular  akademik  Zərifə  Əliyeva  adına  texniki fənlər  təmayüllü  məktəb – liseyin, Bərdə  dövlət  idarəetmə  və texnalogiya  kollecinin  şagirdləri  ilə  keçirdikləri  maraqlı  görüşlər  gənclərdə  yüksək  hərbi  vətənpərvərlik  əhval-ruhiyyəsi  yaratdı.
Sonra  təlim  meydanında  “Gənc Şahinlər”  komandalarının  üzvləri  ilə  atış  üzrə  yarış  keçirilib. Atışda  fərqlənən  “Gənc Şahinlər”  in  17  nəfər  birincilik qazanan  üzvləri  fəxri  fərmanlarla  və  qiymətli  hədiyyələrlə  mükafatlandırıldı.  Daha  sonra  komanda  üzvlərinin  hərbi  texnika,  silah və  sursatla  tanışlığı, onlar  üçün  əsgər  naharı  təşkil  edildi.
   Bu gün  Bərdə  rayon  Mədəniyyət  evində   tədbirin  rəsmi  hissəsinin  keçirilməsi planlaşdırılıb.