Bərdədə ordu ilə xalqın monolit birliyini nümayiş etdirən “Gənclər gələcəyimizdir” hərbi vətənpərvərlik tədbiri keçirilib.

Ölkə  Prezidenti, Silahlı  Qüvvələrin  Ali  Baş  komandanı  cənab İlham Əliyevin  24  dekabr  ad gününə  həsr  olunmuş  “Gənclər  gələcəyimizdir”  mövzusunda keçirilən  tədbir  bu  gün  Bərdə  rayon  mədəniyyət  evində  davam  etdirildi. Bildiyimiz  kimi, tədbir Azərbaycan  Respublikasının  Müdafiə  nazirliyinin  və  Bərdə  rayon  İcra  Hakimiyyətin  birgə  təşkilatçılığı  ilə  həyata  keçirilib.
Tədbirdə  Müdafiə  Nazirliyinin  ordu  birləşmələrinin  zabit, gizir, əsgər, çavuş  heyətinin  nümayəndələri,   Bərdə  rayon  İcra  Hakimiyyətinin  başçısı  Vidadi  İsayev, aparatın  məsul  işçiləri , YAP rəhbərliyinin,  Bərdə  rayon  Hüquq  Mühafizə orqanlarının, KİV və ictimayyət   nümayəndələri,  məktəblilər  iştirak  etdilər.  Tədbiri  giriş  sözü  ilə  Müdafiə  Nazirliyi  ordu  birləşməsinin  zabiti  Həbib  Məmmədov  açaraq , ulu  öndərimiz  Heydər  Əliyevin  və  torpaqlarımızın  azdalığı  uğrunda  şəhid  olan  Vətən  övladlarının  xatirəsi  bir  dəqiqəlik  sükutla  yad  edildi. Sonra  H.Məmmədov sözü  Bərdə  rayon  İcra  Hakimiyyətinin  başçısı  V.İsayevə  verdi. V.İsayev  çıxışını  tədbir  iştirakçılarını  qarşıdan  gələn  31 dekabr  dünya  azərbaycanlılarının  Həmrəyliyi   günü  və  Yeni  il  münasibətilə  təbrik  edərək  qeyd  etdi ki, ümummilli  lider  Heydər  Əliyevin  müstəsna  xidmətləri  sayəsində  formalaşan  və  inkişaf  yoluna  qədəm  qoyan  Azərbaycan  Silahlı  Qüvvələri  bu  gün  möhtərəm  Prezidentimiz,  Ali  Baş  Komandan  İlham  Əliyevin  rəhbərliyi  altında  öz  şərəfli  missiyasını  uğurla  davam  etdirir.  Bu  gün   cənab  Prezident  İlham Əliyevin  məhz  uğurlu  siyasəti  nəticəsində  Azərbaycan  beynəlxalq  aləmdə  güclü  iqtisadiyyata  malik  bir  ölkə  kimi  tanınmaqla  yanaşı, həm  də  NATO  standartlarına  uyğunlaşmış  modern  bir  ordusunun  olması  ilə  də  diqqəti  cəlb edir. Biz  inanırıq ki, möhtərəm  Prezidentimiz  Ali  Baş  Komandan   cənab  İlham  Əliyevin  rəhbərliyi  ilə  tezliklə  mənfur  ermənilərin  işğalı  altında  qalmış  torpaqlarımız  geri  alınacaq, qələbəmizi  Şuşada  qeyd  edəcəyik.
Tədbir   hərbi  qulluqçular, Bərdə  Gənclər  və  İdman  idarəsi  və  Təhsil   şöbəsinin  nümayəndələri, məktəblilər,  Qarabağ  müharibəsi  veteranlarının  çıxışları ilə davam  etdirilib.
        Daha  sonra    tədbirdə   Bərdə  rayon  İcra  Hakimiyyətinin  başçısı  V.İsayev  və  ordu  birləşməsinin  məsul  nümayəndələri  tərəfindən  təhsildə  seçilən məktəblilərə  və  döyüş  tapşırığının  yerinə  yertirilməsində  xüsusi  ilə fərqlənən hərbi  qulluqçulara  qiymətli  hədiyyələr  təqdim  edildi.
Sonda  tədbir  konsert  proqramı   ilə  yekunlaşdı.