Azərbaycan Respublikası Ailə, Qadın və Uşaq Problemləri Üzrə Dövlət Komitəsinin sədri Hicran xanım Hüseynova Bərdədə vətəndaşları qəbul edərək müraciətlərini dinləmişdir.

Qəbuldan sonra  Komitə sədri H.Hüseynova rayon İcra Hakimittəyinin başçısı V.İsayevlə birgə rayonun fəal qadınları ilə görüşmüş, əsası ulu öndər Heydər Əliyev tərəfindən qoyulmuş dövlət qadın siyasətinin uğurla aparılmasından danışmışlar. Rayon qadınlarından rayon İcra Hakimiyyəti başçısının müavini, YAP rayon təşkilatının sədri Fəqət Şadlinskaya, Mərkəzi rayon xəstəxanasının baş həkimi Rəna Mustafayeva, rayon Heydər Əliyev Mərkəzinin direktoru Arifət Əhmədova, təqaüdçü qadın Məleykə Qasımova, rayon Mədəniyyət Mərkəzinin direktoru Gülbəs Məmmədova Bərdə qadınlarının da  ölkə Prezidenti cənab İlham Əliyevin siyasətini daim dəstəklədiklərini bildirmiş,  YUNESKO və İSESKO-nun xoşməramlı səfiri Mehriban xanım Əliyevanın birinci vitse-prezident təyin edilməsini alqışlamış, bunu respublika qadınlarına verilən dəyər kimi qiymətləndirmişlər.
Sonda Komitə sədri Hicran Hüseynova 2016-cı ilin Aprel döyüşlərində həlak olmuş bərdəli  şəhidlərin  analarına və rayonun fəal qadınlarından bir qrupuna Komitənin Fəxri-fərmanları və  mükafatlarını təqdim etmişdir.
Azərbaycan Respublikası   Ailə, Qadın və Uşaq Problemləri Üzrə Dövlət Komitəsinin sədri Hicran xanım Hüseynova  və rayon İcra Hakimiyyətinin başçısı Vidadi İsayevlə birlikdə rayonun müxtəlif mədəniyyət obyektlərində olmuş, buradakı tarixi abidələrlə,  Heydər Əliyev adına park-bulvarla tanış olmuşdur.