Bərdədə həqiqi hərbi xidmətə çağırışçıların təntənəli yola salınma mərasimi keçirilmişdir.

Tədbirdən öncə  Səfərbərlik və Hərbi Xidmətə Çağırış üzrə Dövlət Xidməti Bərdə rayon şöbəsinin rəisi polkovnik leytenant Ramil İsmayılov  və Bərdə rayonundan  həqiqi hərbi xidmətə yola salınan  gənclər ulu öndər H.Əliyevin abidəsi önünə tər güllər düzərək dərin hörmət və ehtiramlarını bildirmişlər.
            Tədbirdə Səfərbərlik və Hərbi Xidmətə Çağırış üzrə Dövlət Xidməti Bərdə rayon şöbəsinin rəisi polkovnik leytenant  Ramil İsmayılov çıxış edərək   çağırışçı gənclərə uğurlar arzulamışdır.
            Rayon İcra Hakimiyyəti başçısının müavini, YAP Bərdə rayon təşkilatının sədri Fəqət Şadlinskaya çıxış edərək müstəqil Azərbaycan dövlətinin uğurlarından,  xalqımızın ümummilli lideri Heydər Əliyevin Milli Ordumuzun yaradılmasındakı xidmətlərindən, möhtərəm Prezidentimiz, Ali Baş komandan cənab İlham Əliyevin Silahlı Qüvvələrin qüdrətlənməsi yolundakı fəaliyyətindən, Ordu ilə xalqın monolit birliyindən danışmışdır.
           Tədbirdə çıxış edən valideynlər və çağırışcılar ölkə Prezidenti, Ali Baş komandan cənab İlham Əliyevə minnətdarlıqlarını bildirmiş, dövlətimizin möhkəmləndirilməsi, torpaqlarımızın ərazi bütövlüyü uğrunda Milli Ordumuzun, Silahlı Qüvvələrimizin qüdrətlənməsinə öz bacarıq və səylərini əsirgəməyəcəklərini bildirmişlər.
Tədbirdə məktəblilərdən ibarət “Şahinlər”in təbrikinə baxılmışdır.
            Çağırışçılar   Dövlət Bayrağını öpərək Vətənə sədaqətlə xidmət edəcəklərinə and içdikdən sonra rayon Mədəniyyət evinin”Qarabağ” xalq çalğı alətləri ansamblının şən musiqi sədaları altında hərbi xidmətə yola salınmışlar.