Bərdədə alman faşizmi üzərində qələbənin 73-cü ildönümü ilə əlaqədar tədbir keçirilmişdir.

Alman faşizmi üzərində qələbənin 73-ci ildönümü ilə əlaqədar tərbirdən öncə Böyük Vətən Müharibəsi və arxa cəbhə iştirakçılarının bir qrupu xalqımızın ümummilli lideri Heydər Əliyevin abidəsi önünə  tər gül-çiçək dəstələri qoyaraq ehtiramlarını bildirmişlər.
          Rayon İcra Hakimiyyətinin müşavirə zalında keçirilən tədbirdə rayon İcra Hakimiyyəti başçısı, Böyük Vətən Müharibəsi  iştirakçıları, Yeni Azərbaycan Partiyasının rayon təşkilatının, rayonun hüquq-mühafizə orqanlarının rəhbərləri,  kütləvi informasiya vasitələrinin nümayəndələri  iştirak etmişlər.
         Tədbiri Bərdə rayon İcra Hakimiyyətinin başçısı cənab Vidadi İsayev açmış,  Alman faşizmi üzərində qələbənin 73-cü ildönümü münasibəti ilə  tədbir iştirakçıları alman faşizmi üzərində qələbənin əldə edilməsində canlarını qurban verənlərin əziz xatirəsini bir dəqiqəlik sükutla yad etmişlər.
         Tədbirdə Bərdə rayon İcra Hakimiyyətinin başçısı cənab Vidadi İsayev məruzə ilə çıxış etmişdir.  Qeyd etmişdir ki, alman faşizmi üzərində tarixi qələbənin qazanılmasında Azərbaycan xalqının, o cümlədən bərdəlilərin misilsiz xidmətləri olmuşdur. 1941-1945-ci illərdə 700 min nəfərə yaxın azərbaycanlı. O cümlədən rayonumuzun 4447 nəfər sakini silaha sarılaraq faşizmə qarşı mübarizədə iştirak etmişlər. Onların yarıdan çoxu müharibədə həlak olmuşlar. Müharibədə böyük igidliklər göstərdikləırinə görə 123 nəfər azərbaycanlı, o cümlədən rayonumuzun Zümürxan kənd sakini Aslan Vəzirov Sovet İttifaqı qəhrəmanı kimi fəxri ada layiq görülmüşdür.
            Böyük Vətən Müharibəsi adlandırılan həmin qanlı savaşda arxa cəbhənin əməkçiləri misilsiz xidmətlər göstərmişdir. Müharibə dövründə SSRİ-də istehsal olunan neftin 90 faizi Bakının payına düşürdü, hərbi texnikanbın çox böyük əksəriyyəti Bakı nefti ilə hərəkət edirdi.
           Keçən əsrin 90-cı illərində Azərbaycanın həmin dövrdəki səriştəsiz rəhbərləri tərəfindən faşizm üzərində tarixi qələbənin üzərinə qara ləkə salmağa cəhd edilmişlər. Yalnız xalqın təkidli tələbi ilə ümummilli lider Heydər Əliyev ikinci dəfə hakimiyyətə gəldikdən sonra xalqımız üçün böyük itkilərə səbəb olmuş bu müharibənin veteranlarına diqqət və qayğı bərpa edilmiş, haqq-ədalət öz yerini tapmışdır.
            Bu gün Böyük Vətən Müharibəsi əlillərinə Azərbaycan Respublikasının möhtərəm Prezidenti cənab İlham Əliyev tərəfindən daima diqqət və qayğı göstərilir.         
Tədbirdə Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti rayon şöbəsinin rəisi Əfran Nəbiyev,   Müharibə, Əmək və Silahlı Qüvvələri Şurasının Bərdə rayon şöbəsinin sədri Oqtay Həşimov,  Qarabağ Hərbi Qarnizonunun Hərbi prokuroru Fərid Şükurov çıxış edərək bayram münasibətilə təbriklərini bildirmiş, müharibə iştirakçıları ölkə Prezidenti cənab İlham Əliyevə göstərilən diqqət və qayğıya görə minnətdarlıqlarını bildirmişlər.
  Tədbirdə rayon İcra Hakimiyyətinin başçısı Vidadi İdayev müharibə veteranlarına qiymətli hədiyyələr təqdim etmişdir.
            Tədbir cay süfrəsi arxasında diskussiya şəraitində davam etdirilmişdir.