Ümummilli lider Heydər Əliyevin anadan olmasının 95-ci ildönümü ilə əlaqədar möhtəşəm tədbir keçirilmişdir
10 may 2018 | 16:00
![](/storage/files/images/_DSC1705.jpg)
Ümummilli lider Heydər Əliyevin 95-ci ildönümü ilə əlaqədar rayon İcra Hakimiyyəti başçısı aparatının məsul işçiləri, Yeni Azərbaycan Partiyasının, hüquq-mühafizə orqanlarının, idarə, müəssisə, təşkilatların rəhbərləri, ictimaiyyət nümayəndələri Bərdə şəhərinin mərkəzi meydanında ucaldılmış ümummilli lider Heydər Əliyevin abidəsi önünə tər gül-çiçək dəstələri düzərək xatirəsinə ehtiramlarını bildirmişlər.
Rayon Mədəniyyət Mərkəzinin qarşısında Bərdə Regional Mədəniyyət İdarəsinin hazırladığı sərgi maraqla qarşılanmışdır.
Tədbirdə rayon İcra Hakimiyyətinin başçısı Vidadi İsayev geniş məruzə etmiş, ulu öndər Heydər Əliyevin həyat və fəaliyyətinin müəyyən məqamlarından bəhs etmiş, ümummilli liderin xilaskarlıq missiyasından, Azərbaycanın müstəqilliyinin bərpası və möhkəmləndirilməsindəki xidmətlərindən danışmışdır.
Tədbirdə ümummilli lider Heydər Əliyevin anadan olmasının 95-ci ildönümü münasibəti ilə rayonun incəsənət xadimləri geniş konsert proqramı ilə çıxış etmişlər.