Uğurbəyli kəndində Bərdə Rayon İcra Hakimiyyəti Başçısının səyyar qəbul – görüşü olmuşdur.

Qəbulda rayon icra hakimiyyətinin,  hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərləri, Uğurbəyli  kənd sakinləri iştirak etmişlər.
         Rayon İcra Hakimiyyətinin başçısı Vidadi İsayev çıxış  edərək Azərbaycan Respublikasının Prezidenti cənab İlham Əliyevin yanında 2019-cu ilin yekunlarına həsr olunmuş müşavirə, Azərbaycan Respublikasınının Prezidentinin sədrliyi ilə 3 fevral 2020-ci il tarixdə Heydər Əliyev Mərkəzində keçirilmiş “Azərbaycan Respublikası regionlarının 2019-2023-cü illərdə sosial-iqtisadi  inkişafı Dövlət Proqramı”nın birinci ilinin yekunlarına həsr olunan konfrans barədə məlumat verdi, 2019-cu ildə ölkəmizin sosial-iqtisadi inkişafının uğurla davam etdiyini, regionların sosial-iqtisadi inkişafına dair Dövlət Proqramında nəzərdə tutulmuş vəzifələrin uğurla icra edildiyini, respublikamızda gedən sosial-iqtisadi inkişafın xalqımızın  rifah halının yaxşılaşmasına təsirindən, ölkəmizdə bələdiyyə seçkilərinin və Milli Məclisə seçkilərin tam şəffaf şəkildə həyata keçirildiyindən, rayonda və  Uğurbəyli  kəndində görülən tikinti-abadlıq işlərdən, sakinlərinin məşğulluğundan, kənddə mövcud olan sosial obyektlərin vəziyyətindən danışmış, rayona göstərilən diqqət və qayğıya görə bütün rayon sakinləri adından ölkə Prezidentinə dərin minnətdarlığını bildirmişdir.
       Son illər Uğurbəyli  kəndi qazlaşdırılmış, Kəndin 9 km daxili yolları qum-çınqılla əsaslı təmir edilmiş, Kəndin 1.5 km baş yolu qum-çınqılla əsaslı təmir edilib, Yaponiya səfirliyinin maliyyə dəstəyi ilə həkim ambulatoriyası tikilib, Kənd qəbistanlığının 3 hektar ərazisi hasara alınıb, 1 bulaq çəkilib, 1 ədəd naves tikilib, Kəndin ərazisindən keçən 2.5 km açıq dren kanal lildən təmizlənmiş, Kəndin elektrik şəbəkəsinın təqribən 50 faizi kabeləşdirilib, Kəndin ərazisində suvarma üçün 1 ədəd subartezian quyusu qazılıb, Qarabağ müharibəsi veteranı Hüseynov Nadim Kamran oğlu və Mehdiyev Məzahim Musa oğluna fərdi yaşayış evi tikilib, Kəndin su şəbəkəsi tikilib və küçələrdə 9 bulaq quraşdırılmış, Kəndin girişindəki 4 ədəd xidmət obyektləri müasir memarlıq üslubunda yenidən qurulumuşdur. 
        Uğurbəyli kəndində 2019-cu ildə 138 hektar sahədə pambıq əkilmiş, hər hektardan orta hesabla 40 sentner məhsul götürməklə 552 ton pambıq istehsal edilmiş, cari ildə 135 hektar sahədə pambıq əkilməsi üçün istehsal müəssisələri ilə müqavilə bağlamış, indiyədək 130 hektar şumlanmış və arat edilmişdir. 2018-ci ildə 3 nəfər kümçü tərəfindən 11 qutu ipək qurdu saxlanmış, hər qutudan 30 kq olmaqla cəmi 330 kq barama istehsal edilmiş, 2019-cu ildə 3 nəfər kümçü tərəfindən 7 qutu ipək qurdu saxlanmış, hər qutudan 38 kq olmaqla cəmi 266 kq barama istehsal edilmişdir. Kənddə  500 ədəd çəkil ağacı mövcuddur, indiyədək ərazidə 3000 çəkil tingi, o cümlədən 2000 ədəd Çin Xalq Respublikasından gətirilmiş çəkil tingi əkilməmişdir.  Sakinlər ərazidə olan 4 ədəd artezian quyusu vasitəsilə içməıli su ilə təmin olunurlar.
       Sonra vətəndaşların müraciətləri dinlənilmişdir. Sədaqət Abdullapur ona məxsus nar bağının dərmanlanması, Bərxudar Rüstəmov kəndin baş yolunun asfaltlaşdırılması,
Qiyas Abdullapur Kənddə körpələr evi-uşaq bağçası açılması, kəndin telefon şəbəkəsinin genişləndirilməsi,
Vüqar Həsənov “Kəndin qabağı” adlanan ərazidə pay torpaqlarının suvarılması üçün bir ədəd subartezian quyusunun qazılması,
Xalid Verdiyev evinin yanından keçən 10 kv-luq elektrik xəttinin yerinin dəyişdirilməsi, Azər Abbasov İcra xidməti tərəfindən şikayəti əsasında məhkəmə tərəfindən çıxarılmış qərarın icra olunmaması
Aydın Novruzov Kəndin beton arxının lildən təmizlənməsi, Əbülfəz Heydərov Kəndin elektrik  xətlərinin kabelləşdirilməsinin başa çatdırılması,Elgün Quliyev ev növbəsinə götürülməsi,  Mübariz Mehdiyev əlilik dərəcəsinin artırılması, Qərib Bəşirov əlillik dərəcəsi verilməsi, Elvin Rüstəmov yanmış ticarət obyektinin bərpa edilməsinə köməklik göstərilməsi, Vahid Əliyev  “Həsənbəy” adlanan yerədə pay torpaqlarının suvarılması üçün bir ədəd subartezian quyusunun qazılması, Quliyeva Rahilə  evinin təmir edilməsi, Seymur Qafarov ailəsinə ÜSY təyin edilməsi barədə xahiş etmişlər.
      Qaldırılan məsələlər barədə aidiyyatı qurumlara müvafiq tapşırıqlar verilmiş vətəndaşlara hüquqi yardım göstərilmişdir, müvafiq izahatlar verilmişdir. Kənd sakinləri kənddə aparılan tikinti-abadlıq işlərinə, pambıqçığıın, baramaçılığın inkişafına göstərilən diqqət və qayğıya görə respublika Prezidentinə minnətdarlıqlarını bildirmişlər.