Rayon müəllimlərinin konfransı

Konfransda rayon İcra Hakimiyyətinin başçısının müavini – İctimai-siyasi və humanitar məsələlər şöbəsinin müdiri Fəqət xanım  Şadlinskaya, “Kurikulim” jurnalının baş redaktorunun müavini Sahib Mənsimov, rayon Təhsil şöbəsinin məsul işçiləri, rayonun ümumtəhsil məktəblərinin direktorları və müəllimləri, rayonun hüquq-mühafizə orqanlarının rəhbərləri, kütləvi informasiya vasitələrinin nümayəndələri – cəmi 384 nəfər iştirak etmişlər.
Konfransda rayon Təhsil şöbəsinin müdiri cənab Rzaqulu Şərifov 2012-2013-cü tədris ilinin yekunları və yeni dərs ilində qarşıda duran vəzifələr barədə məruzə ilə çıxış etdi, Bərdə şəhər 8 saylı tam orta məktəbin müəllimi, “İlin ən yaxşı müəllimi” müsabiqəsinin qalibi Sədiqə xanım Ağamalıyeva, Bərdə şəhər 3 saylı tam orta məktəbin direktoru, “İlin ən yaxşı məktəbi” müsabiqəsinin qalibi Səfurə xanım Hümbətova, Bərdə şəhər 6 saylı tam orta məktəbin məzunu, ali məktəblərə qəbul imtahanında 682 bal toplayaraq Azərbaycan Respublikası Prezidenti yanında Dövlət İdarəçilik Akademiyasının Hüquq fakultəsinə daxil olmuş Gülnarə Muradzadə, “Kurikulim” jurnalının baş redaktorunun müavini Sahib Mənsimov, rayon İcra Hakimiyyətinin başçısının müavini – İctimai-siyasi və humanitar məsələlər şöbəsinin müdiri Fəqət xanım  Şadlinskaya çıxış etdilər.
Konfransda Azərbaycan müəllimlərinin XIV qurultayına 10 nəfər nümayəndə seçildi.
Konfransda 2012-2013-cü tədris ilinin yekunları və yeni dərs ilində qarşıda duran vəzifələrlə əlaqədar müvafiq qərar qəbul etdi.
Konfransda təhsil sahəsində əldə etdikləri nailiyyətlərə görə 22 təhsil işçisi rayon Təhsil şöbəsinin fəxri fərmanları ilə təltif edildi.