2 fevral - Azərbaycan Gəncləri Günüdür.

          Bərdə Rayon İcra Hakimiyyətinin dəstəyi , Bərdə rayon Gənclər və İdman İdarəsinin  təşkilatçılığı ilə  2 fevral – Azərbaycan Gəncləri gününün təsis edilməsinin 25 illiyinə həsr olunmuş   “Gənclik  və yeni baxışlar”  mövzusunda  Forum  keçirilmişdir.
          İlk öncə   tədbir iştirakçıları Ulu Öndərimiz  Heydər Əliyevin abidəsi önünə gül dəstələri  qoyaraq onun əziz xatirəsini  ehtiramla yad etmişlər.
           Tədbiri giriş sözü ilə açan  Bərdə Rayon İcra Hakimiyyətinin  başçısı cənab Vidadi İsayev  tədbir iştirakçılarını 2 fevral – Azərbaycan Gəncləri gününün təsis edilməsinin 25 illiyi münasibətilə  səmimi  qəlbdən  təbrik etdi. Qeyd etdi ki,əsası Ulu öndər  Heydər Əliyev tərəfindən qoyulmuş  Dövlət gənclər siyasəti   bugün  də  müzəffər Ali Baş komandanımız tərəfindən uğurla həyata keçirilir. Məhz bu siyasətin nəticəsidir ki, bugün  dövlətçiliyə bağlı, milli mənəvi dəyərlərinə sadiq, intellektual gənclik formalaşmışdır.
                 Bərdə rayon Gənclər və İdman İdarəsinin rəisi Hikmət Ələkbərli çıxış edərək tədbir  iştirakçılarını    2 fevral - Azərbaycan  Gəncləri  Günü  münasibətilə təbrik etdi, Bərdə rayon Gənclər və İdman İdarəsinin 2021-ci il ərzində, gənclər və idman sahəsində gördüyü işlərdən və  gənc nəslin vətənpərvər ruhda böyüməsi ücün görüləcək  işlərdən  söz açdı .
                  “Dövlət Gənclər Siyasəti“ndən irəli gələn vəzifələrin həyata keçirilməsində öz  peşə vəzifələri və könüllülük  fəaliyyətində göstərdikləri fəallığa görə, bir qrup gənclər Bərdə  Rayon İcra Hakimiyyətinin  başçısı cənab Vidadi İsayev tərəfindən  Fəxri Fərman  və xatirə hədiyyələri ilə  mükafatlandırıldı.
           Bərdə rayon Gənclər və İdman İdarəsi tərəfindən həyata keçirilən  tədbirlərin fəal iştirakçısı Fidan Həsənova  vətənpərvərlik  mövzusunda  şeirləri ilə  gənclərimizi təbrik etdi. 
                   Sonda   xatirə şəkilləri çəkildi.