YAP Bərdə rayon təşkilatı 31 mart Soyqırımı günündə bu faciəni öz ailəsində yaşamış Yenidaşkənd kəndindən olan Vətən müharibəsi şəhidi Hümbətov Səfayətin ailəsi ilə birgə qeyd etmişlər

YAP Bərdə rayon təşkilatı  31 mart Soyqırımı günündə  bu faciəni öz ailəsində yaşamış Yenidaşkənd kəndindən olan  Vətən müharibəsi  şəhidi Hümbətov Səfayətin ailəsi ilə birgə qeyd etmişlər
Bu münasibətlə YAP Bərdə rayon təşkilatının sədri Fəqət Şadlinskaya partiya fəalları – Teymur Həmidov, Mehparə Mustafayeva, Elgün Qocamanov,  Zərifə Məmmədova ilə birlikdə rayonun Yenidaşkənd kəndindən Vətən müharibəsi şəhidi Səfayət Hümbətovun ailəsinə baş çəkmiş və kəndin mərkəzində şəhidlərin əziz xatirəsinə ucaldılmış Şəhidlər Abidəsi Kompleksini ziyarət etmişlər.
Bu kəndin əhalisi 1948-1953, 1988-ci illərdə Azərbaycanın Göycə mahalının Daşkəndindən erməni təcavüzkarları tərəfindən məcburi şəkildə deportasiya olunaraq  Bərdə rayonunda məskunkaşmışlar və bundan sonra bu kəndin adı  Yenidaşkənd kəndi adlandırılmışdır.
Bu kəndin əhalisi və eyni zamanda Vətən müharibəsinin şəhidi Səfayət Hümbətovun ata və babaları dəfələrlə erməni təcavüzkarlığına məruz qalmışlar.
Çavuş Hümbətov Səfayət Ələddin oğlu sentyabrın 27-də düşmənin törətdiyi təxribata qarşı əks-hücumla başlayan Vətən müharibəsində Suqovuşanın azad edilməsində iştirak edib və  orada şəhidlik zirvəsinə ucalıb. Azərbaycan Respublikası  Prezidentinin müvafiq Sərəncamı ilə çavuş  Hümbətov Səfayət Ələddin oğlu ölümündən sonra “Vətən uğrunda”  və  “Suqovuşanın azad olunmasına görə”  medalları  ilə təltif edilmişdir.
Şəhidin qardaşı  Azad Hümbətov da 1991-1994-cü illərdə 1-ci Qarabağ müharibəsi iştirakçısı olmuşdur.
Şəhid ailəsi ilə görüş zamanı Fəqət Şadlinskaya  bildirmişdir ki, Vətən müharibəsi ölkəmizin Zəfər tarixinə qızıl hərflərlə yazıldı. Silahlı Qüvvələrimizin Müzəffər Ali Baş Komandanı cənab İlham Əliyevin rəhbərliyi ilə rəşadətli ordumuz bu tarixi Qələbəni qazandı. Bununla da  ölkəmizin ərazi bütövlüyü bərpa edildi. Qəhrəman oğullarımızın  Vətən uğrunda göstərdiyi fədakarlıqlar dövlətimiz tərəfindən yüksək qiymətləndirilir. Onların hər biri orden və medallarla təltif olunmuş, ailələri dövlətin diqqət və qayğısı ilə əhatə olunmuşlar.
Şəhidin ailə üzvüləri   möhtərəm Prezidentimiz cənab İlham Əliyev və ölkənin Birinci Vitse-prezidenti Mehriban xanım Əliyeva tərəfindən dövlət səviyyəsində şəhid ailələrinə göstərilən diqqət və qayğıdan  məmnun olduqlarını ifadə etmişlər.