Bərdə rayon İcra Hakimiyyəti başçısının Əyricə kəndində səyyar qəbul-görüşü keçirilib
09 aprel 2025 | 16:31
Keçirilən görüşdə İcra Hakimiyyətinin başçısı, aparatın məsul şəxsləri, hüquq-mühafizə orqanlarının, təhsil, səhiyyə, mədəniyyət, xidmət təşkilatlarının rəhbərləri, bələdiyyə, inzibati ərazi dairəsi üzrə nümayəndəliyin əməkdaşları və kənd sakinləri iştirak ediblər.
Rayon İcra Hakimiyyətinin başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatların, əhalinin rifah halının daha da yaxşılaşdırılması istiqamətində icra olunan layihələrin hər bir yaşayış məntəqəsini əhatə etdiyini vurğulayıb və Əyricə kəndində görülən işlər barədə vətəndaşlara ətraflı məlumat verib.
Görülən işlərdən məmnunluqlarını bildirən sakinlərin daha sonra təklif və şikayətləri dinlənilib, yeni məktəb binasının tikilməsi, məişət tullantılarının atılması üçün yer ayrılması, elektrik şəbəkəsinin yenidən kabelləşməsi, kənd qəbiristanlığının yolunun qreyderlə hamarlanması, pay torpağın sərhədlərinin dəqiqləşdirilməsi, 1 ədəd elektrik güc transformotorunun verilməsiilə bağlı müraciətlər dinlənildikdən sonra qaldırılan məsələlərin həlli istiqamətində aidiyyəti qurumlara müvafiq tapşırıqlar verilib.
Keçidlər
