Bərdə Rayon İcra Hakimiyyətinin başçısının rayonun Kafarlı kəndində səyyar qəbul-görüşü keçirildi
12 mart 2024 | 16:37
Görüşdə rayon İcra Hakimiyyətinin başçısı, aparatın məsul şəxsləri, hüquq-mühafizə orqanlarının, təhsil,səhiyyə, mədəniyyət, xidmət təşkilatlarının rəhbərləri, bələdiyyə, inzibati ərazi dairəsi üzrə nümayəndəliyin əməkdaşları və kənd sakinləri iştirak etmişlər.
Rayon İcra Hakimiyyətinin başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində, həmçinin Kafarlı kəndində görülən işlər barədə vətəndaşlara ətraflı məlumat verdi.
Daha sonra RİH başçısı Vidadi İsayev görüşdə iştirak edən sakinlərin kənddə daxili yolların hamarlanması, kəndin elektrik şəbəkəsinin kabelləşdirilməsi, kənd qəbiristanlığının ərazisinin məişət tullantılarından təmizlənməsi, elektrik xəttinin bağlandığı dirəyin dəyişdirilməsi, işlə təmin olunma və maddi yardım edilməsi ilə bağlı müraciətlərini dinlədikdən sonra qaldırılan məsələlərin həlli istiqamətində müvafiq tədbirlərin görülməsi ilə əlaqədar aidiyyəti qurumlara müvafiq tapşırıqlar verdi.
Keçidlər
