Bərdə Rayon İcra Hakimiyyətinin başçısının rayonun Mirzəcəfərli kəndində səyyar qəbul-görüşü keçirildi
12 iyul 2024 | 13:28
Görüşdə rayon İcra Hakimiyyətinin başçısı, aparatın məsul şəxsləri, hüquq-mühafizə orqanlarının, təhsil, səhiyyə, mədəniyyət, xidmət təşkilatlarının rəhbərləri, bələdiyyə, inzibati ərazi dairəsi üzrə nümayəndəliyin əməkdaşları və kənd sakinləri iştirak etmişlər.
Rayon İcra Hakimiyyətinin başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində, həmçinin Mirzəcəfərli kəndində görülən işlər barədə vətəndaşlara ətraflı məlumat verdi.
Daha sonra RİH başçısı Vidadi İsayev görüşdə iştirak edən sakinlərin kənddə içməli su məqsədilə 1 ədəd subartezian quyusunun qazılması, fərdi yaşayış evinə qaz xəttinin çəkilməsi, dren kanalların təmizlənməsi, təbii qaz boru xəttinin yerinin dəyişdirilməsi, həyətyanı torpaq sahəsinin ayrılması ilə bağlı müraciətlərini dinlədikdən sonra qaldırılan məsələlərin həlli istiqamətində müvafiq tədbirlərin görülməsi ilə əlaqədar aidiyyəti qurumlara müvafiq tapşırıqlar verdi.
Keçidlər
