Bərdə Rayon İcra Hakimiyyətinin başçısının rayonun Qurdlar kəndində səyyar qəbul-görüşü keçirildi
08 may 2024 | 14:47
Görüşdə rayon İcra Hakimiyyətinin başçısı, aparatın məsul şəxsləri, hüquq-mühafizə orqanlarının, təhsil, səhiyyə, mədəniyyət, xidmət təşkilatlarının rəhbərləri, bələdiyyə, inzibati ərazi dairəsi üzrə nümayəndəliyin əməkdaşları və kənd sakinləri iştirak etmişlər.
Rayon İcra Hakimiyyətinin başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində, həmçinin Qurdlar kəndində görülən işlər barədə vətəndaşlara ətraflı məlumat verdi.
Daha sonra RİH başçısı Vidadi İsayev görüşdə iştirak edən sakinlərin əkinə yararlı torpaq sahəsinin ayrılması, özünüməşğulluq proqramı çərçivəsində iribuynuzlu heyvan verilməsi, birdəfəlik maddi yardım olunması, qəzalı vəziyyətdə olan işıq dirəklərinin yeniləri ilə əvəz olunması, pay torpağının sərhədlərinin yenidən dəqiqləşdirilməsi , internet-rabitə şəbəkəsinin yenidən qurulması, daxili suvarma arxının və dren kanalın lildən təmizlənməsi ilə bağlı müraciətlərini dinlədikdən sonra qaldırılan məsələlərin həlli istiqamətində müvafiq tədbirlərin görülməsi ilə əlaqədar aidiyyəti qurumlara müvafiq tapşırıqlar verdi.
Keçidlər
