Bərdə Rayon İcra Hakimiyyətinin başçısının rayonun Yeni Daşkənd kəndində səyyar qəbul-görüşü keçirildi
04 iyul 2024 | 13:17
Görüşdə rayon İcra Hakimiyyətinin başçısı, aparatın məsul şəxsləri, hüquq-mühafizə orqanlarının, təhsil, səhiyyə, mədəniyyət, xidmət təşkilatlarının rəhbərləri, bələdiyyə, inzibati ərazi dairəsi üzrə nümayəndəliyin əməkdaşları və kənd sakinləri iştirak etmişlər.
Rayon İcra Hakimiyyətinin başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində, həmçinin Yeni Daşkənd kəndində görülən işlər barədə vətəndaşlara ətraflı məlumat verdi.
Daha sonra RİH başçısı Vidadi İsayev görüşdə iştirak edən sakinlərin kənddə 1 ədəd subartezian quyusunun qazılması, həyətyanı torpaq sahəsinin sənədləşdirilməsi, kənd məktəbinə yeni korpusun tikilməsi, mənzil növbəliyinə alınma, qəzalı vəziyyətdə olan elektrik xəttinin yerinin dəyişdirilməsi ilə bağlı müraciətlərini dinlədikdən sonra qaldırılan məsələlərin həlli istiqamətində müvafiq tədbirlərin görülməsi ilə əlaqədar aidiyyəti qurumlara müvafiq tapşırıqlar verdi.
Keçidlər
