Bərdədə Ekologiya və Təbii Sərvətlər Nazirliyi, Azərbaycan Dövlət Su Ehtiyatları Agentliyi və Bərdə Rayon İcra Hakimiyyətinin birgə təşkilatçılığı ilə mövcud su ehtiyatlarının idarə olunması, səmərəli istifadənin təşkili və alternativ su mənbələrinin yaradılması istiqamətində maarifləndirici tədbir keçirilib.
30 aprel 2025 | 09:54
Bərdə Rayon İcra Hakimiyyətində keçirilən tədbirdə Ekologiya və Təbii Sərvətlər Nazirliyinin Aparatının Ekoloji təhlükəsizlik fəaliyyətinin təhlili və qiymətləndirilməsi şöbəsinin baş məsləhətçisi Bəxtiyar Seyidov, Rəsul Rəhmanov, Azərbaycan Dövlət Su Ehtiyatları Agentliyinin nümayəndəsi Rauf Bayramov, RİHB aparatının Sosial-iqtisadi inkişafın təhlili və proqnozlaşdırılması şöbəsinin aparıcı məsləhətçisi Ədalət Əhmədov, Bərdə DAİM-nin əməkkdaşı, RİHB aparatının kənd inzibati ərazi dairəsi üzrə nümayəndələri, bələdiyyə sədrləri və üzvləri, fermerlər, sudan istifadə edən birlikləri və rayon sakinləri iştirak ediblər.
Tədbirdə çıxış edənlər su ehtiyatlarından səmərəli istifadənin, mövcud resursların qorunmasının və alternativ su ehtiyatlarının yaradılmasının ölkənin davamlı inkişafı və ekosistemlərin mühafizəsi baxımından mühüm əhəmiyyət kəsb etdiyini, su ehtiyatlarının səmərəli istifadə edilməsi üçün Sudan İstifadəedənlər Birliklərinin fəaliyyətinin təkminləşdirilməsinin, su təsərrüfatlarının idarə edilməsində bələdiyyələrin rolunun artırılmasının, içməli su təchizatında su itkilərinin qarşısının alınmasının, sudan səmərəli və qənaətli istifadə olunması barədə istehlakçıların maarifləndirilməsinin vacibliyi bildirilərək, fermerlərin müasir texnologiyalı suvarma sitemlərindən təsərrüfatlarında tətbiqi istiqamətləri üzrə təşviqi barədə müzakirələr aparılıb.
Tədbir qarşılıqlı disskusiya şəklində davam etdirilib.
Keçidlər
