Bərdədə məişət zorakılığı ilə mübarizə mövzusunda məlumatlandırıcı tədbir keçirilib
Azərbaycan Respublikası Prezidentinin 2020-ci il 27 noyabr tarixli 2307 nömrəli Sərəncamı ilə təsdiq olunmuş “Azərbaycan Respublikasında məişət zorakılığı ilə mübarizəyə dair 2020–2023-cü illər üçün Milli Fəaliyyət Planı”nın həyata keçirilməsi ilə bağlı Tədbirlər Planının 12.2.4.nömrəli tapşırığının (Səhiyyə işçiləri, daxili işlər və yerli icra hakimiyyəti orqanlarının əməkdaşları üçün məişət zorakılığı ilə mübarizə mövzusunda məlumatlandırma və maarifləndirmə tədbirlərinin keçirilməsi) icrası ilə əlaqədar Bərdə Rayon İcra Hakimiyyəti başçısı yanında yaradılmış Ailə, Qadın və Uşaq Problemləri üzrə Komissiya tərəfindən məişət zorakılığı ilə mübarizə mövzusunda məlumatlandırıcı tədbir keçirilib.
Tədbirdə çıxış edənlər qeyd ediblər ki, məişət zorakılığına qarşı mübarizə bütün cəmiyyətlərdə olduqca mürəkkəb bir problemdir. Ona görə də, məişət zorakılığı və ya ailədə zorakılıq halları yalnız bir ailə üçün deyil, bütövlükdə cəmiyyət üçün təhlükəlidir. Məişət zorakılığı probleminin həlli hərtərəfli yanaşma və məqsədli tədbirlərin həyata keçirilməsini tələb edir.
Sonda iştirakçıların fikirləri dinlənilmiş onları maraqlandıran suallar cavablandırılmışdır.
