Bərdədə narkotiklə mübarizə tədbirləri çərçivəsində görüş keçirilib

Azərbaycan Respublikası Prezidentinin 2019-cu il 22 iyul tarixli 1334 nömrəli Sərəncamı ilə təsdiq edilmiş “Azərbaycan Respublikasının 2022–2026-cı illərdə sosial-iqtisadi inkişaf Strategiyası”nın Tədbirlər Planının 4.4.11. nömrəli tapşırığının (Narkotik vasitələrin, psixotrop maddələrin və onların prekursorlarının qanunsuz dövriyyəsi, həmçinin sui-istifadəsi ilə əlaqədar mübarizəni gücləndirilmək məqsədilə regionlarda müzakirələr aparılması, vətəndaş cəmiyyəti institutlarının iştirakının genişləndirilməsi, belə tədbirlərə din xadimlərinin cəlb edilməsi, həmin mövzuda müzakirələrin sayının artırılması) icrası ilə əlaqədar olaraq bildiririk ki, Bərdə Rayon İcra Hakimiyyətinin inzibati binasında rayon İcra Hakimiyyətinin Aparatının, rayon İcra Hakimiyyətinin başçısının inzibati ərazi dairəsi üzrə nümayəndəliklərinin, bələdiyyələrin rəhbər vəzifəli şəxslərinin, vətəndaş cəmiyyəti institutlarının əməkdaşlarının və din xadimlərinin iştirakı ilə tədbir keçirilib. Tədbirdə narkomaniya əleyhinə aparılan maarifləndirmə tədbirlərinin bu gün aktual xarakter daşıdığını və hər zaman ölkə rəhbərliyinin diqqət mərkəzində olduğu bildirilib. İştirakçılara narkotik maddələrin və onların insan orqanızminə ziyanları barədə geniş məlumat verilib. Bildirilib ki, narkotik maddələr orqanizmə daxil olduqdan sonra psixoloji və fiziki dəyişikliklərə səbəb ola bilən və asılılıq yarada bilən kimyəvi maddələrdir. O orqanizmin zəifləməsinə bədənin arıqlamasına və fiziki gücün düşməsinə gətirib çıxarır. Orqanizmin zəhərlənməsi daxili orqanların, xüsusən də qaraciyər və böyrəklərin funksiyalarını pozur. Bir çox hallarda isə ölümlə nəticələnir. Narkotik və onun törətdiyi fəsadlar hər il milyonlarla insanın həyatına son qoyur. Ona görə də hamılıqla narkotikə yox deməli və ona qarşı birlikdə mübarizə aparmalıyıq.