Bərdədə uşaqlara qarşı zorakılığın mənfi nəticələri haqqında maarifləndiririci tədbir keçirilib
13 mart 2024 | 15:44
Bərdə RİH yanında yaradılmış Ailə, Qadın və Uşaq Problemləri üzrə Komissiyanın təşkilatçılığı ilə Qadın Resurs Mərkəzində
Azərbaycan Respublikası Prezidentinin 2020-ci il 27 noyabr tarixli 2306 nömrəli Sərəncamı ilə təsdiq edilmiş “Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı”nın təsdiq edilməsi haqqında Tədbirlər Planının 5.3.9. nömrəli tapşırığına əsasən tərbiyə məqsədilə uşaqlara qarşı hər cür zorakılığın mənfi nəticələri haqqında maarifləndirici tədbir keçirilib.
Tədbirdə uşaqlara qarşı zorakılığın yaranma səbəbləri barədə ətraflı məlumat verən qonaqlar zorakılığa məruz qalmış uşaqların psixoloji vəziyyətində baş verən mənfi dəyişikliklərin onların şəxsiyyət kimi formalaşmasına ciddi zərər vurduğunu qeyd edərək, onları bu kimi hallardan qorumağın vacibliyini vurğulayıblar.
Yekunda mövzu ilə əlaqəli sosial çarxlar və təqdimatlar nümayiş etdirilib, iştirakçıların sualları cavablandırılıb, müvafiq tövsiyələr verilib.
Keçidlər
