Bu gün Bərdənin Lək kəndindən olan şəhid Abışov Asif Əlövsət oğlunun doğum günü qeyd olunmuşdur
16 may 2023 | 17:37
2020-ci il sentyabr ayının 27-də düşmənin törətdiyi təxribata qarşı əks-hücuma başlanan Vətən müharibəsində iştirak etmiş, Xocavəndin azad edilməsi uğrunda gedən döyüşlərdə qəhrəmancasına şəhidlik zirvəsinə ucalmış Abışov Asif Əlövsət oğlunun 31-ci doğum günü tədbiri Lək kəndində rayon İcra Hakimiyyətinin nümayəndələrinin, rayon ictimaiyyətinin, şəhid ailələrinin, qazilərin, məktəblilərin, rayon sakinlərinin iştirakı ilə geniş formada keçirilmişdir.
Qeyd edək ki, Azərbaycan Respublikasının Prezidentinin müvafiq Sərəncamı ilə MAHHXHQ kiçik çavuş Abışov Asif Əlövsət oğlu ölümündən sonra “Vətən uğrunda”, "Döyüşdə fərqlənməyə görə" və "Xocavəndin azad olunmasına görə" medalları və 3-cü dərəcəli "Vətənə xidmətə görə" ordeni ilə təltif edilmişdir.
Uca Allahdan bütün şəhidlərimizə rəhmət diləyirik!
Keçidlər
