Çəmənli kəndində rayon İcra Hakimiyyəti başçısının səyyar qəbul-görüşü keçirilmişdir

Son illərdə kənd qazlaşdırılıb, kənddaxili 2 km yollar qum-çınqılla əsaslı təmir edilib, Zümürxan-İmamqulubəyli-Çəmənli kəndlərarası yol qum-çınqılla təmir edilib və ildə 2-3 dəfə qreyderlə hamarlanır, 2022-ci ildə kəndin ərazisində 1 km açıq dren-kanal, 0,6 km təsərrüfatdaxili lildən təmizlənib, kəndin ərazisində suvarma üçün 1 ədəd subartezian quyusu bərpa edilib, 2019-cu ildə 1 ədəd yeni artezian quyusu qazılıb.

2022-ci ildə kənddə 3 hektar sahədə pambıq əkilmiş, hər hektardan 30 sentner olmaqla 6 ton pambıq istehsal edilmişdir. 2023-cü ildə 3 hektar sahədə pambıq əkilmiş, 1 nəfər kümçü 4 qutu barama götürüb saxlamış, hər qutudan 35 kq olmaqla 140 kq barama təhvil verilmişdir.

Sonra vətəndaşların müraciətləri dinlənilmişdir. İnzibati ərazi dairəsinin Çəmənli kənd sakinləri İbrahim Allahverənov kəndin içməli su ilə təminatında fasilələr yaranması, ​ Nəvai İsgəndərov kənddə internetin sürətinin aşağı olması, Xəqani Ələkbərov Vətən müharibəsinin iştirakçısını olduğunu bildirərək işlə təmin olunması, Əli Həsənov kənddaxili 0,2 ​ km uzunluqda olan suvarma arxının lildən təmizlənməsi, Zahidə Abbasova maddi vəziyyəti çətin olduğu üçün Ünvanlı Dövlət Sosial Yardım almasına köməklik göstərilməsi, Rasim Allahverdiyev kəndin 4 km uzunluqda baş yolunun qalan 2 km hissəsinin asfaltlaşdırılması və yaşadığı küçədə 3 ədəd 0,4 kv-luq elektrik dirəyinin qəzalı vəziyyətdə olduğu üçün yenisi ilə əvəz olunması, Birinci Qarabağ müharibəsi şəhidinin anası Səriyyə Məmmədova yaşadığı fərdi yaşayış evinin qəzalı vəziyyətdə olduğu üçün təmir olunması, Ceyran Abbasova maddi vəziyyətinin çətin olduğu üçün mərhum həyat yoldaşının adında olan istehlak kreditinin qalan hissəsinin ödənilməsinə köməklik göstərilməsi, İmamqulubəyli kənd sakinləri Orxan İsayev yeni tikdirdiyi fərdi yaşayış evinə təbii qaz çəkilməsi, Ruslan Murtuzayev həyətyanı sahəsinin suvarma suyu ilə təmin olunmasında qonşusu ilə aralarında olan mübahisənin həll olunması, Zümürxan kənd sakini ​ Nadir Zeynalov maddi vəziyyəti çətin olduğu üçün Ünvanlı Dövlət Sosial Yardım almasına köməklik göstərilməsi və maddi yardım edilməsi barədə müraciətlər etmişlər. Müraciətlərlə əlaqədar tədbirlər görülmüş, aidiyyəti qurumlara müvafiq tapşırıqlar verilmiş, vətəndaşlara hüquqi yardım göstərilmiş, müvafiq izahatlar verilmişdir.