Şriftin ölçüsü :

Saytın rəngi :

"Konstitusiya və Suverenlik İli " çərçivəsində Bərdə rayonunda ağacəkmə aksiyası keçirilib

15 fevral 2025 | 11:18
Prezident İlham Əliyevin müvafiq Sərəncamı ilə Azərbaycan Respublikasında 2025-ci ilin “Konstitusiya və Suverenlik İli” elan edilməsi ilə bağlı Tədbirlər Planına müvafiq olaraq Bərdə Rayon İcra Hakimiyyətinin təşkilatçılığı ilə Yevlax-Ağdam magistral avtomobil yolunun Bərdə rayonundan keçən hissəsində ağacəkmə aksiyası keçirilib.
Ətraf mühitin yaşıllaşdırılması və qorunması məqsədilə təşkil edilən ağacəkmə aksiyasında Bərdə Rayon İcra Hakimiyyətinin və 9 saylı Regional Ekologiya və Təbii Sərvətlər İdarəsinin, İƏD üzrə nümayəndəliklərin işçiləri fəal iştirak ediblər.
Həyata keçirilən aksiya zamanı ərazidə təmizlik işləri aparılıb, 1500 ədəd eldar şamı, gül kolları və digər müxtəlif növ ağaclar əkilib yeni əkilən ağaclar suvarılıb və aqrotexniki qaydada qulluq göstərilib.
Keçidlər