Respublikamızın hər yerində olduğu kimi Bərdə rayonunda da 8 noyabr – Zəfər Günü münasibətilə ağacəkmə aksiyası keçirilmişdir
05 noyabr 2026 | 17:17
Bərdə Rayon İcra Hakimiyyətinin təşkilatçılığı ilə 8 Noyabr – Zəfər Günü münasibətilə Bərdə -Ağdam avtomobil yolunun kənarında, Kətəlparaq və Uğurbəyli kəndləri ərazisində ağacəkəmə aksiyası keçirilmişdir.
Aksiyada Bərdə Rayon İcra Hakimiyyətinin rəhbərliyi və aparatın əməkdaşları, İƏD üzrə nümayəndəliklərin işçiləri, bələdiyyələr və rayon sakinləri fəal iştirak etmişdirlər.
Yüksək mütəşəkkilliklə keçən aksiya çərçivəsində ümumilikdə 1 hektar ərazidə abadlıq və təmizlik işləri aparılmış, ərazidə 500 eldar şamı, 150 zeytun ağacı və 150 ədəd gül kolları əkilmişdir.
Zəfər Günü münasibətilə keçirilən aksiya ətraf mühitin mühafizəsinə, yaşıllıq sahələrinin artırılmasına və ekoloji tarazlığın qorunmasına töhvə vermək məqsədi daşıyır.






