Şriftin ölçüsü :

Saytın rəngi :

Darğalar kəndində Bərdə Rayon İcra Hakimiyyəti Başçısının səyyar qəbul – görüşü olmuşdur.

20 iyun 2019 | 16:00
Qəbulda rayon icra hakimiyyətinin,  hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərləri və kənd sakinləri iştirak etmişlər.
           Rayon İcra Hakimiyyətinin başçısı Vidadi İsayev çıxış  edərək Azərbaycan Respublikasının Prezidenti İlham Əliyevin rəhbərliyi ilə respublikamızda gedən sosial-iqtisadi inkişafın xalqımızın  rifah halının yaxşılaşmasına təsirindən, xalqımızın həyat şəraitinin yüksəldilməsinə göstərdiyi müsbət təsirdən, ölkə iqtisadiyyatının sürətlə inkişafından danışdı, ölkə başçısının imzaladığı sərəncamlarla əhalinin xeyli hissəsinin maddi-rifah halının yüksəldiyini, problemli kreditlərin həll edildiyini bildirdi, bütün rayon sakinləri adından ölkə Prezidentinə dərin minnətdarlığını bildirdi. Azərbaycan Respublikasının Prezidentinin diqqət və qayğısı ilə Bərdənin sosial-iqtisadi inkişafı, əhalini narahat edən problemlərin həlli istiqamətində həyata keçirilən tədbirlərdən, layihələrdən söz açmış, bildirmişdir ki, Azərbaycan dövləti daima xalqın yanındadır.
Kələntərli kənd    inzibati ərazi dairəsi ölkəmizlə birlikdə inkişaf edib, inzibati ərazi dairəsinin bütün kəndləri qazlaşdırılıb, sakinlər fasiləsiz olaraq elektrik enerjisi, təbii qaz və içməli su ilə təmin olunurlar.
Son illər Darğalar kəndi  qazlaşdırılmış,Darğalar  kənd sakinlərinin də istifadə etdiyi Muğanlı- Körpüsındıran kəndlərarası avtomobil yolu yenidən qurulub, kəndin içməli su şəbəkəsi tikilib, kəndin baş yolu əsaslı təmir olunub və asfaltlaşdırılıb, daxili yolları qum-çınqılla əsaslı təmir edilib,  təsərrüfatdaxili 1,3 km arxlar lildən təmizlənmişdir.
Sonra vətəndaşların müraciətləri dinlənilmişdir. Kənd sakinləri  Tamam Əsgərova kənddə məktəb tikilməsi, Zəminə İsgəndərova 1 ədəd içməli su artezianı qazılması, Leyla Rüstəmova kənd tibb məntəqəsi tikilməsi və ruhi xəstə olan qardaşının pensiya təyinatı, Ramil Sadıqov evinə qaz çəkilməsi, Rəsul Əzizov kəndin kənarından keçən 2 km açıq dren kanalın lildən təmizlənməsi, Tahirə Əliyeva nəvələrinə ÜSY təyin edilməsi, Gülşən Əliyeva heyvandarlıqla məşğul olması üçün torpaq verilməsi, Xalid Vəliyev oğlunun evinə elektik sayğacının quraşdırılması, Mahirə Bəxtiyarova evlərinin yanında yerləşən 10 kv-luq elektrik dirəyinin yerinin dəyişdirilməsi, Rəhim Quliyev evinə qaz çəkilməsi və ÜSY təyin edilməsi barədə müraciət etmişlər.
Qaldırılan məsələlər barədə aidiyyatı qurumlara müvafiq tapşırıqlar verilmiş vətəndaşlara hüquqi yardım göstərilmiş, müvafiq izahatlar verilmişdir.
Kənd sakinləri kənddə aparılan tikinti-abadlıq işlərinə, pambıqçığıın, baramaçılığın inkişafına, əhalinin sosial müdafiəsi üçün görülən tədbirlərə görə  respublika Prezidentinə minnətdarlıqlarını bildirmişlər.
Keçidlər